關於 BYHOME ☁️ 從一頂手作冷帽，到我們的治癒小天地

歡迎嚟到 BYHOME！好多客人第一次認識我哋，都會好奇點解會叫「BYHOME」？其實呢個名，盛載住我哋對「家」嘅感情，同埋一份傳承嘅溫度。

🧶 故事的起點：從媽媽的冷針開始

最初嘅 BYHOME 其實唔係賣衫，而係賣手作冷織畫家帽起家嘅。嗰陣時跟住媽媽學織冷帽，而我對手作都好有興趣，每一件都係全心全意嘅手作。雖然而家我哋已經無再賣冷帽，但嗰份「Home Made」、想將溫暖傳遞俾大家嘅初心，一直深深保留咗喺品牌入面。

🏡 15 年實體店的傳承與全新支線

接手媽媽經營咗足足 15 年嘅實體小店，係我人生一個好大嘅轉捩點。實體店多年嚟一直服務住一班成熟嘅長輩熟客，建立咗好深厚嘅感情。而 BYHOME，就係我哋喺呢個紮實嘅基礎上，開拓出嚟嘅全新年輕支線。我哋希望將「日系、舒服、高質感、不費力嘅時髦」，帶俾一班同我哋一樣，追求精緻生活與實用度嘅女仔。

☁️ 新手網店的真誠告白

坦白同大家講，由習慣咗 15 年嘅實體店面對面模式，突然跳入網店嘅世界，對我哋嚟講真係一個極大嘅挑戰。網店嘅營運、節奏、甚至同客人溝通嘅方式，同實體店完全唔同。因為無經驗，我哋每日都喺度跌跌撞撞中摸索學習。

我哋未必係包裝得最華麗、技巧最純熟嘅網店，但我哋保證，每一件衫都係我哋嚴格挑選、每年都試過試身確保返我地既質量，並以 100% 嘅真誠去對待大家。

感謝你哋包容 BYHOME 嘅慢慢成長。希望你喺度買到嘅唔單止係一件衫，而係一份好似返到屋企咁放鬆、治癒嘅感覺 🤍